| almostvo | n (sg. L almostvu tisk. almoſztvu) isto što almoštvo (i ista etim.). Zato vsakoga prosim i opominam, kteri štima da je v Božje službe, rekši molitve … almostvu i ostaleh dobreh deleh … da gustokrat od otca duhovnoga tolnača prosi. Habd zerc 6. |
| almoštvo | n (sg. N almoštvo, G -a, L -u, pl. N -a, G -ih) njem. Almosen; dar siromašnoj osobi, milodar; usp. almostvo, almustvo, almuštvo. J (s. v. diaconus … pomočnik mešnički … skerbitel almoštva), P (s. v. parentalia 244). Svite … pod noge ńegove … prostirajmo, našim bližnim čineči i davši almoštvo. Vram post A, 4. Človek dokle vu smertnom grehu prebiva … niti mu hasne molitve, ni posti, ni almoštva. Kraj 194. Zvan vnogeh almoštvih … vsaku sobotu … [Izidor] je dal siromakom skuhati jednu jestvinu. Gašp II, 493. |
