f (sg. N borovica, G -e, D -i, A -u, I -um, pl. A -e).
1. bot.
a. smreka, kleka,Juniperus communis; usp. bor 2, brin, cmrek, cmrok. B (s. v. baccifer, juniperus). Suproti vetrom vu terbuhu vzemi semena peršinovoga ali zerna od borovice. Hiž kniž 207. Ovce pako … naj se tiraju k borovici. Danica (1840) 27.
b. plod smreke. B (s. v. juniperus). Suproti kuge nekoi [doktori] vele živeti … z borovicum, nekoi z češńakom. Šim prod 40. Vzemi konoplinoga semena i borovice, stuci je i … na slezeno postavi. Medik 12. Ovcam … davaj … sol z tučenum borovicum. Danica (1840) 53.
c. u svezi črna ~ borovnica, Vaccinium myrtillus. Vzami za l ali pol šake zrńa borovice črne. Luič 66.
2. rakija od ploda smreke, klekovača. Vezda dela se … osebujna borovica. Horv kal-b (1816) 43.
