Rječnik hrvatskoga kajkavskoga književnog jezika

adj. (sg. N m. današen, NA m. -šni, L m. -emu).
1. isto što denešńi 1. Današen sveti evangelium poveda da dojdučim ženam k grobu angel … rekel je. Mulih prod 128. Potlam duga šest leta … doživeli se jesmo današni srečni dan. Bed 1.
2. izr. dan ~ danas. [Luterani] nesu smeli i ne smeju do dan današni [vu crikve]. VZA 6, 194. Velika misel dan današni obhağa pamet moju. Švag I, 28. Red ov … obnaša dan današni vse one dužnosti z jednakum ļubavjum. Raf 8.

adj. (sg. NA m. današńi, G m. -ega, -eg Brez usp 156, D m. -emu, A n. -e, L m. -em, f. -e, pl. NA f. -e).
1. isto što denešńi 1. H (s. v. ), B (s. v. ), J (s. v.   hodiernus).  Iz toga jeden duhovni nagovor na pobožno obslužavańe današńega svetka ispeļam. Šim sl 3. Niti današńe ceremonie prikladne su pohlepnostjam vremenitem. Kerč najvr 3. Promislimo od današńega danka bratji našoj da što ne pomanka. Brez usp 156.
2. izr. dan ~ danas. Vas svet do dan današńi nad ńim [se] čudi. Bel prop 66. Od ove dobe Grobničko poļe ni dan današńi z ničem ne rodi. Vitez raf 93. Ńegvo sveto telo … jošče dan današńi poštuje se od verneh. Krist ap 14.