f (sg. N golota, GD -e, A -u, L -i, I -um) golotinja; usp. golina, goloča, golost.
1.
a. stanje neodjevene osobe, nagost. H (s. v. ), B (s. v. nuditas; golota), J (s. v. nuditas), X (s. v. duo). Kak su Adam i Eva po prekeršeńu zapovedi golotu svoju poznali, taki su si svitice iz figovoga listja zkerpali. Habd ad 37.
b. golo ljudsko tijelo. Na putu ovom zvun haļice kotera golotu je zakrivala … nikaj drugo ne imal. Gašp I, 737. Pokrije ńegvu golotu z svojem plaščom. Danica (1840) 93.
2. nedovoljna odjevenost. [Redovna peršona je] svoje telo podvergla postom … golote [i] bosote. Zagr I, 222. Jaj meni … fratru … bosota, golota to je ma lehkota. Popev 23.
3. isto što siromaštvo. Družinu ńihovu na siromaštvo i na golotu spravi. Habd ad 873. Gdo onda tebe … razlučiti bude mogel od ļubavi Krištuševe … golota ali pogibel? Gašp I, 76. Tobiaš deržal se je skrit vu svojoj goloti [siromaštvu]. Krist žit II, 225.
4. praznina, ništavnost (o duhu, moralu i sl.).Odperle su se oči … na viğeńe golote i merzkoče svoje. Habd ad 106. Zločinstva … ne kažeju nam [se] več vu vsoj odurnosti i goloti. Krist blag II, 78.
