| močvar | f i m (sg. f. NA močvar, L f. -i, m. -u, pl. G -ih St kol (1866) 97, Habd zerc 69). vlaga, mokrina. H (s. v. močvar), B (s. v. morphaeus; močvar), J (s. v. humiditas, mador, phlegma … bļuvotina … močvar … mokrina i sline tela). Sunčeni traki močvar k sebi zdvižu. Vitez kal 11. Žveplo, dveka, smola … počnu goreti, berželi kakva močvar do ńih dojde. Rob I, 208. Ar zima večkrat zrokuje merzlu fajhtnoču iliti močvar jako trapeču človeka. Hiž kniž 204. Močvar zimska i megla prime se stvarih kak da bi z meļum posipane bile, kaj velimo sreš. St kol (1819) 88. |
