| prokšenost | f (sg. NA prokšenost, G -i) osobina onoga koji je rastrošan, razmetljiv, rastrošnost, razmetljivost; ponašanje u takvome stilu, obijest, raskalašenost, razuzdanost; usp. hincļivost, objednost, prekšenost, prekšost, prokeš, prokša, prokšija. B (s. v. lascivia 2. … petulantia … prokšenost … objednost), J (s. v. lascivia … prevzetnost … prokšenost), P (s. v. animi levitas … prokšenost ali prokšena lagodnost 1042). Na to [pričeščivańe] … ne vleče prokšenost … neg tverdna vera. Kempiš 224. Zvekšinum zbiraju se takove oprave koje prokšenost, nesramežļivost i bedastoču pokazuju. Krist blag II, 251. [S. Blaž] mesto prokšenosti ter detinskeh faling tersil se je čuvati milošču Božju na svetom kerstu zadobļenu. Gašp I, 539. |
