adv. (komp. razložneje) adv. od adj. razložen.
1. isto što razumno 1. B (s. v. amolior 4. … razložno odvračam ali odbijam … odhitavam, dialectice … razložno … polëg navuka dobroga razložeńa, discerno 3. … razložno … spoznavam … razviğujem … razeznavam, moderanter … razložno … razborno, rationabilis … razložno … razumno … spametno; biti 17. … biti razložno … pravo … razložito … pristojno, përst … razložno z persti broiti, razložno), J (s. v. discretè … z razlogom … razlučno … razložno … razredno … razborno … rezebrano … razborito, moderanter … razložno … z razlogom … z dobrem načinom … sporedno). Razložno jest ladati blago. Vram post A, 204. [Muž mora] da … ženu … razložno navuča. Mul šk 366. Koj … pešice hoditi ne bi mogel, naj razložno jaše, ali se naj vozi. Lal vod 34. [Mi] poželeńa na jelo i pilo zaderžavamo ter obodvojega razložno vživamo. Katek 118. On [je] … pak ravno tak razložno počel govoriti kaki predi. Krist žit I, 106.
2. oprezno, pažljivo; brižno, marno; usp. lepoglasno, opazļivo, opazno 1, preopazno, preskrbļivo, previdļivo, previdno, priogledno, proviğeno, razumno 2, razvito 2, spazno, zgledno. B (s. v. articulate 2. … razložno … z redom … razlučno zgovarjati … razlučno govoriti, clare 2 … razložno i odperto čuti, dicto … čtejuč povedam … povedam časom i razložno kaj drugi pišu), J (s. v. enodate … razložno … razložito … razlučeno … razumļivo, enucleate … razbrano … razumno … lepo … razložno, explanate 2. … razložno … razumno … čisto), X (s. v. plico ... explicate … razložno … razvito). Kako se ima deržati on ki predekuje reči Božie? Dobro, počteno, razložno i razumno. Vram post B, 36. Zače se mladenec gibati i razložno glasno, kakti plačuč govoriti. Habd ad 745. Potrebno je … glasno, razložno … moliti. Mul šk 21. Ovu zapoved glasno, razložno, da vsi razmeli budu, naj prečteju. Cepel 137. Navuki Sina Božanskoga napervostavļaju se razložno, očito i krepno. Verh V.
3. isto što razumno 3. H (s. v. ), B (s. v. articulus 4. … računati pomnivo z persti … razložno broiti, disposite … razreğeno … z redom … redom … po redu … razložno; razložno 2), J (s. v. discriminatim … razlučno … z razlučeńem … razložno). Za tem gustokrat razložno štejte i kaj štejete, marlivo činete. Mul hr V.
4. isto što pogodno 2. B (s. v. conditionaliter … pogodno … vërstno … razložno … z pogodbum, hypothetice … temelno … razložno).
