adj. (sg. N m. roden, -dni, n. -o, f. -a, G m. n. -oga, f. -e, A n. -o, f. -u, L n. -om, -emu, I n. -em, -im, pl. N m. rodni, G -eh, A m. -e; superl. sg. N n. najrodneše).
1. isto što ploden 1. H (s. v. roden), B (s. v. buxifer … pušpanom … roden, ferax … ploden … roden … sadonosen, ubertus … roden … pun … obilen; nagnajam … prigledba čini … rodno poļe, roden … kruto roden … roden bivam, roden sem, želudom roden), J (s. v. exubero … rodnoga činim, ferax … ploden … roden, foecundus … roden … ploden, fructifer … roden … ploden … plodovit, glandifer … želudom roden, luxurio … zemļa … kruto je rodna, ubero … roden … ploden jesem … obilno rodim), P (s. v. terra ferax … zemļa rodna 35), X (s. v. fero … ferax … fertilis … roden, uber … uber … roden). Leto ovo … kaže se … srečno i rodno. Vitez zor (1698) 15. Prosete i vzeti hočete, akoli hočete imeti plodna vaša poļa i rodne vinograde . Zagr I, 288. Ako se jari jačmen na dobri zemļi zagoda poseje, roden bude. St kol 92. Al molitvah kaj je puno sakih … za zeleno navek rodno pole. Pav pop 52. fig. V telu je … roden nepravične vinograd jalnosti. Noč viğ 49. Kak goder na jednom vertu … vugodno dišuče rožice rastu, tak vu kerščanski, katoličanski cirkvi tuliko rodnoga drevja … nahaja se. Gašp III, 517.
2. isto što ploden 1. b. B (s. v. roden včińen). Rahel, jedna z meğ najlepšeh žen, ne nijednoga drugoga križa na zemļe imala, nego ne rodna bila. Šim prod 226.
3. isto što ploden 2. b. Špańolska zemļa [je] z velikemi svetci obilno rodna. Nadaž 142. Gospodine, govor ov tvoj kratek … mal je v reči, ali pun v čuteńu i roden v sadu. Kempiš 137.
4. isto što priroğen. J (s. v. nativus … rodni … priroğen).
5. u svezama otec vsegarodni v. otec; rodna posuda anat. v. posuda1; rodni ščit v. ščit.
