m (sg. NA seńem, G -ńma, DL -u, pl. N -i, G -ov, A -e, L -eh) usp. pazar, sajam, sajnem, sańam, sejem, sejnem.
1. mjesto na kojem se obavlja trgovina, sajam, plac, trg; sastanak trgovaca i kupaca radi trgovanja, sajmeni dan. H (s. v. barderi ali čuvari nočni seńma … varaša, seńem), B (s. v. agoranomus … šacmešter … gospon seńma, carnarium … mesto gde se slano meso obeša ali polaže … seńem … piac gde se meso prodaje, nundinalis … sejemski … seńemski … k seńmu spadajuči, nundinae … seńem … terg … pazar … občinski seńem; seńem … sajam … pazar … velik v letu seńem … seńem volovski, seńma kapitan … gospodar, terg 2. … terg … tërguvańe … tërg treh dnevov s uputom na seńem), J (s. v. emporium 3. … seńem … spravišče i skupstekańe tergovcev, nundinae … seńem … sejem … sajam, panegyris … spravišče občine … seńem … zhodišče, trinundinum … tri seńmi ali sajmi). Mogu na jednu miļu zemļe dopustiti seńem: da tako ako onomu koteroga su priedi dali nie na škodu. Perg 126. [Slovencem] se grusti listor k domače cirkve … dostupiti, a ne grusti im se daleko na seńme … putuvati. Habd zerc 578. Kramar … na dobiček tak hlepi, da niti za svetek ne mara, ako nema seńma, odkud sam ne ide vu cirkvu, niti pusti družine ar štima da bi pod jednum mašum ali prodekum vse blago pogubil. Mul hr 505. Ovi su pak bili nekuliko vlaškeh pastirov koji su marhu na seńem tirali. Zriń 54. Ov isti dan je maršeči, živadči i ostaleh prodajneh dugovań seńem. Danica (1847) 161. fig. Živleńe je dobičkov pun seńem. St kol (1866) 214.
2. izr. jeden Židov ne čini seńma ne može se biti siguran u što na temelju jedne pretpostavke. Jeden Židov ne čini seńma. Krist anh 166; kupuj dok seńem terpi kupovati se može dok se ima novaca. Kupuj dok seńem terpi! Mikl izb 167.
