| setina | f (sg. N setina, GL -e, A -u, pl. A -e) isto što set1. B (s. v. cera 3. … hižica v setine vu koju pčela med spravļa, ceranthemus … vojščika iz koje pčele setine delaju, melizonium … jestvina iz medvene setine), J (s. v. favus … setina … setje … voščina). [Pčele] se po cvetju i ternaceh razletavaju sedajuč po vsakojačkem cvetju i iz ńega sesnuč onu sladkoču … i … poleg nagneńa nature prečudnem načinom napravļaju setine. Zagr V, 1, 157. Kada bi Šamšon … našel bil setinu meda, pervič je materi svoji del podal. Gašp II, 49. A oni su ńemu ponudili falat pečene ribe i setinu meda. Ev 110. Nož … mora se zmočiti z slinum ali vodum ar bi se drugač vojsk prijemal meda i setine. Danica (1834) 28. |
