adj. (sg. N m. slep, slepi, n. -o, f. -a, G m. n. -oga, f. -e, D m. -omu, A n. -o, f. -u, L f. -oj, I n. -em, pl. N m. slepi, n. -a, f. -e, G m. -eh, f. -eh, D m. -em, A m. -e, n. -a, f. -e) usp. slip.
1.
a. koji nema osjetilo vida, koji ne vidi osjetilom vida. H (s. v. slep … slepa … slepo, slep roğen), B (s. v. caecatus … oslepļen … slep včińen, caecigenus … sleporoğen … tj. vse ono more se reči kaj se slepo rodi, caeculto … slepem … slepel sëm … slepeti … slep postajem … ali slepomu sëm spodobën … slepe oči … vid pogubļaju oči, caecus … slep, caecutio … malo vidim … dobro ne vidim … napol vidim … napol slep sem … oči moje dobro ne vide; slep … slep roğen), J (s. v. caecigenus … slep roğen, caeculto … slep postajem, caecus … slep), X (s. v. caecus … slep). [Ona je] naroğena od poroda slepa. Vram post A, 58a. Ne vnogo potlam gospopdar na obodve oke slep posta. Habd ad 547. Drugi slep na obodve oči k grobu [s. Klare] dopeļan, viğeńe zadobivši sam prez voğe nazad je se povernul. Gašp III, 465. Pčele jako od zime čuvaj … navlastito ako je sneg, ar slepe postaneju. St kol (1866) 137. Za kanturu jen jašprišt tri keliha je fkrql, a slepoj bogici je krajcer dal. Krl 131. fig. Drag je bil [kip] slepe (ne tajim) mladosti, ar oči od falšne vzeše se svetlosti. Jurj 159. O ti nemilostivna smert … bila si zevsema slepa … kada nisi pogledala na koga si z tvojum kosum zamahnula. Mal krep 4. [Sudi božanski] jesu glubina nepresežna koteru ne moramo mi slepi šišmiši premišļavati, nego dostojno poštuvati. Gašp II, 147. Zakaj curi ta gluha, masna, slepa, strahotno mlačna karv?. Krl 73.
b. u im. službi (m. pl.)slepi oni koji nemaju osjetilo vida, koji ne vide osjetilom vida. Ideta i poveğta Ivanu što jesta slišala i videla. Slepi vide, hromi hode, gobavci se očiščavaju, gluhi sliše. Vram post A, 8. Verujemo … da je ovo … ono telo koje je učinilo slepe progledati. Bel prop 73. Slepe i neme ozdravļaše [Ježuš]. Citara 179. Izidi … i dopeļaj sim vboge i gingave, i slepe i šantave. Ev 138. Vezda … od pogače puknoše glasi i vsi veliki i mali, slepi i šantavi, bogati i siromaški, stari i mladi na stotine k hutici jesu tekli. Lovr ker 71.
2. fig.
a. koji razborito ne uviđa, ne promišlja, ne rasuđuje, ne spoznaje. Pamet človeča v dugovańe duhovnom temna i slepa jest. Vram post A, 103a. O moj slepi herceg Lauš, tak li ti e pameti nestalo da štimaš da ako bi … gosdpa tvoja z drugem se ļubila … da bi on list človeku … davala? Habd ad 703. Slepi [su] i kruto bedasti oni ki [tak] štimaju. Mul pos 841. Gdo je tak slep, tak nepremišlen da se k ovomu z najvekšum marlivostjum pripravil ne bi? Krist blag II, 203.
b. koji ne želi uvidjeti, spoznati grijeh, zlo, tamu. [Mati vsegdar Deva] prosti duge krivem, daruj pogled slepem, zlo od nas odprosi, vse dobro nam sprosi. Petret 228. Sveti Ksaveriuš, svetlost slepeh, moli za nas. Mil vert 148. [O, Sveti Duh] prez tebe smo slepi ostali, prez tebe smo gluhi postali … prez tvoje smo pomoči na vsako zlo vsegdar gotovi. Citara 256. Grešnik vu svojeh nezrednostjah … ide tak jako Ježušu do serdca da on žuhke suze nad tverdokornostjum ńegovum preleva, kak se je pripetilo kada je oči svoje proti slepomu Jeruzalemu obernul. Verh 603.
c. u im. službi (m. pl.)slepi oni koji razborito ne uviđaju, ne promišljaju, ne rasuđuju. Slepi [su] … oni ki štiamju … da … ako žena hižnoga tovaruša pri sebi ima, da ovde ne tuliko zla. Mul pos 841. Čim su s. spovedniki davali viğeńe slepem? Zagr razg 150. O, kak slepi su koji po preveč naravski ļubavi prevzeti vekšu brigu nosiju da drugem priličnosti preskerbiju, kak da za lastovito zveličeńe svoje posluju. Verh 200.
3. koji radi čuvstvenoga odnosa prema komu / čemu nije kritičan, samosvojan; koji je u potpunosti predan, odan, naklonjen čemu. B (s. v. caecus 8. … slep radi skuposti). Izverši i ovo zapovedańe poleg voļe materinske iz slepe pokornosti kči Rožica. Gašp III, 636. O, roditeli, derhčite pred odgovorom ako vi po vašoj nemarnosti, prepustčeńu i slepoj ļubavi toga zrok jeste. Krist blag II, 279. Vse se slobodno vidi onomu koi se je vre navadil dugovańa poleg svojeh slepeh i razvuzdaneh pohotnostjah presuğevati. Verh 85. fig. Ar z kem gorje vidimo, z tem smo bliže vu rodbinstvu z bogom ļubavi kajti je on čisto slep. Lovr rodb 33.
4. koji je drukčijega, različitoga uvjeranja, stava i sl. u odnosu na koga / što. Prikažujem Tebi [Bože] kajgod dobra včinim … za roditele … nepriatele, za grešnike i slepe krivovernike, da se vsi k tebi obernu. Mul hr 114. Dosta [se je] slepih poganinov obernulo. Krist žit I, 25.
5. koji nema kakav sastojak, obilježje, svojstvo. Moreš takaj ovu juhu prez čokolade napraviti, i onda zove se slepa iz čokolade juha. Birl 6. Vre su v nebu zlate zvezde 'z slepe noči ispale. Rak pes 1.
6. isto što nenadejan. B (s. v. casus … pripetčeńe … prigoğeńe … prigoda … zgoda … zgojeńe … neprilično pripetčeńe … neprigodna zgoda … slepa i nenadejana zgoda). Kuliko puti mi kaj našem zaslužbam pripisavamo kaj je morebiti samo slepa sreča opravila. Krist bas 46.
7. u svezama ~ list v. list; ~ jednem okom, ~ na jedno oko jednook; škiljav. H (s. v. slep na jedno oko), B (s. v. slep … slep jednem okom). Med ovemi … redovniki jeden čisto slep na jedno oko da bi bil kušnul sveto telo i z okom slepem se doteknul, taki pervo viğeńe… je zadobil. Gašp I, 163; slepa kača zool. v. kača; slepa komora v. komora; slepa krava zool. v. krava; slepe gusle vrsta glazbala, tambura. B (s. v. monochordum … tambura … slepe gusle; slepe gusle); slepi biči v. bič; slepi miš zool. v. miš; slepo oko a) v. oko1. b) najčešće neplodno oko mladice na trsu vinove loze. Moremo tersna oka na troje razdeļiti. Perva pri rezniku oka na mladici jesu slepa: ova največ dva persta na doļni mladice strani dosežu. Danica (1835) 15.
8. izr. ļubav je slepa onaj tko je zaljubljen ne promišlja razborito. Samo ne tak naglo, ti zaļubļeni človeče, pazi se da ļubav tvoja čisto slepa ne bude. Vukot gol 9; slepe oči otpreti (komu) učiniti da (tko) razumije, shvati, spozna (što).Z vami ja vezda kanim govoriti i vam vaše slepe oči odpreti. Zagr I, 70; slepoga se vučiniti, slepomu biti ne htjeti što uvidjeti. B (s. v. caligo … veli se vu duguvańu odpertomu i očitomu slepomu biti … je ne hteti kaj videti ali se slepoga vučiniti); zvana lep, znutra ~ vanjština ne pokazuje unutrašnje osobine. Zvana lep, znutra slep; er ist schön, aber unwissend. Krist anh 160.
